Bakı, AzerVoice

Türkiyə xarici işlər naziri Hakan Fidan sabah İraq rəsmiləri ilə görüşəcək.

AzerVoice xəbər verir ki, bu haqda Türkiyə KİV-ləri məlumat verib.

Məlumata əsasən Hakan Fidanın İraqın prezidenti Əbdüllətif Rəşid, İraqın baş naziri Məhəmməd Şia əl-Sudani, İraq Nümayəndələr Palatasının sədri Mahmud Meşadani, İraq baş nazirinin müavini və xarici işlər naziri Fuad Hüseynlə görüşləri nəzərdə tutulub.

Görüşlərdə Türkiyə-İraq ikitərəfli münasibətlərinin gündəmində olan önəmli mövzular və aktual regional məsələlər müzakirə olunacaq.

Xatırladaq ki, Fidanın ötən il martın 14-də Bağdada etdiyi son ikitərəfli səfəri zamanı iki ölkə arasında Yüksək Səviyyəli Təhlükəsizlik Mexanizmi (YDGM) görüşü keçirilib. Bu görüşdə PKK ilə bağlı ortaq təhlükə tərifi daha da uzağa götürüldü; İraq rəsmiləri İraq Milli Təhlükəsizlik Şurasının PKK-nın İraqda qadağan olunmuş təşkilat elan edilməsi ilə bağlı qərar verdiyini paylaşıb. Bu qərar İraqla terrorla mübarizə və təhlükəsizlik sahəsində əməkdaşlıq baxımından kritik bir addım idi.