BAKI,AzerVoice, Fərid Mikayılov

Barselona Futbol Klubu “Spotify” şirkəti ilə sponsorluq və ad hüquqları müqaviləsini 2030-cu ilə qədər uzatdığını, Kamp Nou stadionunun isə 2034-cü ilə qədər “Spotify Kamp Nou” adını daşıyacağını açıqlayıb.

AzerVoice xəbər verir ki, bu qərar, stadionun böyük yenilənməsindən sonra planlaşdırılan möhtəşəm açılış ərəfəsində elan olunub.

Klubun 2022-ci ildən bəri davam edən əməkdaşlığı çərçivəsində “Spotify” loqosu həm kişi, həm də qadın komandalarının formalarında və məşq geyimlərində yer almağa davam edəcək.

Barcelona rəhbərliyi bildirib ki, bu əməkdaşlıq sadəcə kommersiya tərəfdaşlığı deyil, həm də azarkeşləri, musiqini və futbolu bir araya gətirən yaradıcı bir platformadır.

“Üç illik uğurlu əməkdaşlıqdan sonra Barselona və Spotify sponsorluq müqaviləsini 2030-cu ilə qədər uzatmaq qərarına gəlib. Spotify Kamp Nounun ad hüquqları isə 2034-cü ilə qədər qüvvədə qalacaq. Yenilənən stadion ‘Espai Barça’ kompleksinin mərkəzində yerləşərək dünyanın aparıcı idman və əyləncə mərkəzlərindən birinə çevriləcək”- deyə bildirilib.