BAKI,AzerVoice, Fərid Mikayılov
Beynəlxalq Futbol Tarixi və Statistikaları Federasiyasının (İFFHS) açıqladığı son dünya klublarının reytinq cədvəlində ağdam təmsilçisi 38 pillə yüksələrək 96-cı sıraya yerləşib.
AzerVoice xəbər verir ki, Azərbaycanın aparıcı futbol klubu Qarabağ beynəlxalq reytinqdə böyük irəliləyiş əldə edib.
Klub hazırda 154,75 xalla siyahıda qərarlaşıb. Bu göstərici ilə Qarabağ Azərbaycan klubları arasında ən yaxşı nəticəni nümayiş etdirib.
Ötən ay dərc edilən cədvəldə isə komanda 137,25 xalla 134-cü yerdə idi.
Beləliklə, son bir ay ərzində komanda 17,5 xal toplayaraq diqqətəlayiq irəliləyişə imza atıb və dünya futbolunda mövqeyini daha da möhkəmləndirib.
