BAKI, AzerVoice, Səməd Əyyubov
Türkiyənin futbol üzrə A Milli komandası 2026 FIFA Dünya Kuboku Avropa seçmə mərhələsinin E qrupundakı ikinci oyununda bu gün İspaniya ilə qarşılaşacaq.
AzerVoice xəbər verir ki, görüş MEDAŞ Konya Böyükşəhər Stadionunda keçiriləcək və Bakı vaxtı ilə saat 22:45-də başlayacaq.
Matçı İngiltərə Futbol Federasiyasından Maykl Oliver idarə edəcək. Ona yan xətt hakimləri Stüart Burt və Ceyms Meynverinq kömək edəcək, dördüncü hakim funksiyasını isə Kris Kavanax yerinə yetirəcək.
Gözlənilən start heyətləri:
Türkiyə: Uğurcan Çakır, Mert Müldür, Merih Demiral, Abdülkerim Bardakçı, Eren Elmalı, İsmayıl Yüksek, Hakan Çalhanoğlu, Yunus Akgün, Arda Güler, Kenan Yıldız, Kerem Aktürkoğlu.
İspaniya: Unai Simon, Robin Le Normand, Dean Huijsen, Pedro Porro, Mark Kukurelya, Mikel Merino, Niko Uilliams, Martin Zubimendi, Pedri, Lamin Yamal, Mikel Oyarzabal.
Xatırladaq ki, qrupun ilk oyunlarında Türkiyə səfərdə Gürcüstanı 3:2 hesabı ilə məğlub edib, İspaniya isə Sofiyada Bolqarıstanı 3:0 hesabı ilə üstələyib. Hazırda İspaniya qol fərqinə görə lider mövqedədir, Türkiyə millisi isə ikinci yerdə qərarlaşıb. Gürcüstan və Bolqarıstan isə xal qazana bilməyib.
Qrupun digər oyununda Gürcüstan ilə Bolqarıstan bu gün Bakı vaxtı ilə saat 17:00-da Tbilisidə üz-üzə gələcək.
