BAKI, AzerVoice, Fərid Mikayılov

İngiltərə Premyer Liqasında Tottenhemin sabiq baş məşqçisi olan Ange Postecoglou, hazırda baş məşqçisiz qalan Almaniyanın Bayer Leverkuzen və Türkiyənin Fənərbağça klublarının gündəmindədir.

AzerVoice xəbər verir ki, məhşur idman jurnalisti Fabrizio Romanonun məlumatına görə, Leverkuzen rəhbərliyi Bundesliqada cəmi iki oyundan sonra Erik ten Haq ilə yollarını ayırıb, Fənərbaxça isə Çempionlar Liqasına vəsiqə qazana bilmədiyi üçün Joze Mourinyonu postundan uzaqlaşdırıb.

Ötən mövsüm Avropa Liqasını qazanan Postecoglou, eyni zamanda Premyer Liqanı 17-ci pillədə başa vurduqdan sonra klubundan ayrılmışdı. Avropa arenasındakı uğuru isə onun Avropanın aparıcı klublarının diqqətini çəkməsinə səbəb olub.

Yay transfer dönəmi ərzində onun Səudiyyə Ərəbistanına keçidi ilə bağlı iddialar səslənsə də, bu reallaşmayıb. Hazırda işsiz olan avstraliyalı mütəxəssis üçün həm Bundesliqa, həm də Super Liqa variantları masadadır.

Postecoglou-nun növbəti addımı hələlik bəlli deyil. O, beynəlxalq oyunlar fasiləsi dövründə təklifləri dəyərləndirəcək. Mütəxəssisin Almaniyanı, Türkiyəni, yoxsa yeni bir Premyer Liqa klubunu seçəcəyi qarşıdakı həftələrdə müəyyənləşəcək.