BAKI, AzerVoice, Fərid Mikayılov
Almaniya Bundesliqasının nəhənglərindən Borussia Dortmund heyətini gənc istedadla gücləndirib.
AzerVoice xəbər verir ki, klub Çelsinin 21 yaşlı yarımmüdafiəçisi Karni Çukvuemeka ilə 2030-cu ilə qədər müqavilə imzalandığını açıqlayıb.
Gənc futbolçu ötən mövsümün ikinci yarısını Dortmundda icarə əsasında keçirmişdi. O, Almaniya klubu ilə müxtəlif turnirlərdə ümumilikdə 18 oyunda meydana çıxaraq 1 qola imza atıb.
Bu oyunların 10-u Bundesliqada, 4-ü UEFA Çempionlar Liqasında, 4-ü isə FIFA Klublararası Dünya Kubokunda baş tutub.
Dortmund yalnız Çukvuemekanın transferini rəsmi elan etməklə kifayətlənməyib. Klub həmçinin xorvatiyalı baş məşqçi Niko Kovaçın müqaviləsini 2027-ci ilə qədər uzadıb.
