BAKI,AzerVoice, Fərid Mikayılov
UEFA Çempionlar Liqasının II turunda Azərbaycan təmsilçisi Qarabağ doğma publika önündə Kopenhageni qəbul edəcək.
AzerVoice xəbər verir ki, görüşü türk əsilli niderlandlı hakim Sərdar Gözüböyük idarə edəcək.
Qarşılaşma bu gün Tofiq Bəhramov adına Respublika Stadionunda keçiriləcək və Bakı vaxtı ilə saat 20:45-də start götürəcək.
Qeyd edək ki, tərəflər sonuncu dəfə 2017- ci ildə qarşılaşıblar. İlk oyunda Qarabağ 1-0 hesabı ilə qələbə qazanıb, digər görüşdə isə Danimarka təmsilçisi 2-1 hesabı ilə azərkeşlərini sevindirib.
