BAKI,AzerVoice
Bavariya klubunun və Almaniya futbolunun canlı əfsanəsi Tomas Müller karyerasını ABŞ-da davam etdirməyə hazırlaşır.
AzerVoice xəbər verir ki, 35 yaşlı hücumçu yaxın bir həftə ərzində MLS klublarından biri ilə rəsmi müqavilə imzalayacaq.
Bavariyanın FİFA Klublararası Dünya Çempionatında mübarizəni dayandırmasından sonra, Müllerin uzun zamandır gözlənilən MLS transferi gerçəkləşmək üzrədir. ABŞ klublarından ən ciddi namizədin isə Bavariya ilə tərəfdaşlıq münasibətləri olan Los Angeles FC (LAFC) olduğu bildirilir.
Transferin tamamlanması və müqavilənin imzalanması 7-10 gün ərzində baş tutacaq. Rəsmi açıqlamanın yaxın günlərdə verilməsi gözlənilir.
Müller Bavariya formasında 756 oyunda 250 qol və 276 məhsuldar ötürmə ilə klub tarixinin ən məhsuldar asist edən futbolçusu olub. O, 12 dəfə Bundesliqa çempionluğu, 2 dəfə isə UEFA Çempionlar Liqasını qazanıb. Müller həmçinin 2014-cü ildə Almaniya ilə Dünya Çempionu titulunu qazanıb.
