12
BAKI, AzerVoice
İspaniyanın Real Madrid klubunun əfsanəvi futbolçusu Luka Modriç karyerasını İtaliyada davam etdirəcək.
AzerVoice xəbər verir ki, bu barədə məlumat klubun rəsmi səhifəsində yayımlanıb.
Bildirilib ki, xorvatiyalı yarımmüdafiəçi Milan klubu ilə müqavilə imzalayıb. Sazişin müddəti və maliyyə detalları açıqlanmayıb.
Qeyd edək ki, Luka Modriç 2012-ci ildən etibarən Real Madridin formasını geyinirdi.
O, 28 kubokla Kral klubu tarixinin ən çox titul qazanan futbolçusudur. 40 yaşlı oyunçu həm La Liqa, həm UEFA Çempionlar Liqası, həm də digər beynəlxalq turnirlərdə əldə etdiyi uğurlarla adını dünya futboluna qızıl hərflərlə yazdırıb.
