BAKI, AzerVoice
ABŞ-ın Filadelfiya şəhərində keçirilən 2025 FIFA Klublar Dünya Kubokunun H qrupunda Real Madrid və Al Hilal komandaları son 16 mərhələyə yüksəlib.
AzerVoice xəbər verir ki, İspaniya təmsilçisi Real Madrid, Avstriya komandası Salzburg üzərində 3:0 hesablı qələbə qazanıb. Oyun Lincoln Financial Field Stadionunda baş tutub. Madrid klubunun qollarını 40-cı dəqiqədə Vinisius Junior, 45+3-cü dəqiqədə Federiko Valverde və 84-cü dəqiqədə Qonsalo Qarsiya vurub.
Digər qarşılaşmada Səudiyyə Ərəbistanının Al Hilal komandası, Meksika təmsilçisi Pachuca üzərində 2:0 hesablı qələbə qazanıb. Nashville şəhərindəki GEODIS Park Stadionunda keçirilən matçda qolları 22-ci dəqiqədə Səlim əd-Dosari və 90+5-ci dəqiqədə Markos Leonardo vurub.
Turnirin qrup mərhələsi başa çatdıqdan sonra 1/8 final cütlükləri və oyun cədvəli müəyyənləşib:
28 iyun, cümə:
- 19:00 – Palmeiras – Botafogo
- 23:00 – Benfika – Çelsi
29 iyun, bazar:
- 19:00 – PSJ – Inter Mayami
- 23:00 – Flamengo – Bavariya
30 iyun, bazar ertəsi:
- 22:00 – Inter – Fluminense
1 iyul, çərşənbə axşamı:
- 04:00 – Mançester Siti – Əl Hilal
- 22:00 – Real Madrid – Yuventus
2 iyul, çərşənbə:
- 04:00 – Borussia Dortmund – Monterrey