BAKI, AzerVoice
Galatasaray-da gələcəyi ilə bağlı qərarını verməyə hazırlaşan Viktor Osimhen 31 maydan sonraya qədər gözləməyi qərara alıb. 26 yaşlı nigeriyalı hücumçu, ona maraq göstərən klubların həm Avropa turnirlərindəki finallarını, həm də yerli liqalardakı mövqelərini dəyərləndirdikdən sonra seçim edəcək.
AzerVoice xəbər verir ki, Osimhen-in ilkin olaraq aprel-may aylarında qərar verməsi gözlənilirdi. Lakin planlarda dəyişiklik olub və futbolçu gələcəyinə dair rəsmi mövqeyini ay sonuna qədər açıqlamayacaq.
Mançester Yunaytedin Çempionlar Liqasına vəsiqə qazanması Tottenham-ın final nəticəsindən, PSG-nin transfer siyasəti isə Inter-lə matçdan asılı olacaq. Çelsi və Yuventusun gələcək Avropa taleyi isə liqadakı son oyunlardan sonra məlum olacaq.
Mənbələrin verdiyi məlumata görə, bu qeyri-müəyyən mənzərə aydınlaşmadan Osimhen-in Galatasaray-a müsbət və ya mənfi cavab verməsi gözlənilmir. Qeyd edək ki, forvet Səudiyyə Ərəbistandan gələn yüksək məbləğli təkliflərlə maraqlanmır.
Qeyd edək ki, bu mövsüm sarı-qırmızılı forma ilə 38 oyunda meydana çıxan Viktor Osimhen, 33 qol və 7 məhsuldar ötürmə ilə diqqətləri üzərinə çəkib.
