BAKI, AzerVoice
26 yaşlı ulduza görə transfer marşrutunu formalaşdıracaq Qalatasaray rəhbərliyi cavab almaq üçün geri saymağa başlayıb.
AzerVoice xəbər verir ki, Qalatasarayın transfer strategiyasını Viktor Osimhen müəyyənləşdirəcək.
"Sabah"ın xəbərinə görə, "Napoli"nin istədiyi 75 milyon avro sərbəstlik müavinətini ödəməyə hazır olan sarı-qırmızılılar sponsor dəstəyi ilə nigeriyalı hücumçuya illik 15 milyon avro ayırıb.
Müsbət və ya mənfi cavab verməyən Osimhenin menecerlərinə mesaj göndərilərək bayramdan sonra qərarını dəqiqləşdirməsi xahiş olunub.
Avropa bazarında heç bir klubun razılaşdığı 15 milyon avro üçün “Qalatasaray”a müraciət etmədiyi və ən ciddi təklifin Səudiyyə Ərəbistanından gəldiyi bildirilirdi.
Qeyd edək ki, bu mövsüm sarı-qırmızılı forma ilə 38 oyunda meydana çıxan Viktor Osimhen, 33 qol və 7 məhsuldar ötürmə ilə diqqətləri üzərinə çəkib. 26 yaşlı ulduzla həm "Əl Hilal", həm də "Real"ın maraqlandığı bildirilib.
