BAKI,AzerVoice
Aşqabad şəhərində kəmər güləşi növlərindən olan koreş və alış üzrə “Yeni İdman İmkanları Birliyi” statusuna həsr olunmuş beynəlxalq turnirdə Azərbaycanın kəmər güləşçiləri Türkmənistanda üç medal qazanıb.
AzerVoice Azərbaycanın Türkmənistandakı səfirliyinə istinadən xəbər verir ki, Azərbaycan kəmər güləşçiləri Türkmənistanın Aşqabad şəhərində koreş və alış növləri üzrə keçirilən “A” kateqoriyalı beynəlxalq turnirdə bir gümüş, iki bürünc əldə ediblər.
Azərbaycan təmsilçilərindən Ariz Hüseynov 68 kq-da koreş yarışında üçüncü olub. Həmçinin idmançı 70 kq çəki dərəcəsində alış növü üzrə yarışıb və bu dəfə ikinci yeri tutub. Alış növü üzrə yarışan Fidan Hüseynova (60) da bürünc medal sahibi olub.
Qeyd edək ki, turnirdə 14 ölkədən 170-dən çox idmançı iştirak edib.
