Bakı. AzerVoice:

Sizin rəhbərliyinizlə Azərbaycan xalqı müxtəlif sahələrdə, o cümlədən idman və futbolda böyük nailiyyətlər əldə edib.

İdman.biz xəbər verir ki, bu fikirlər UEFA-nın prezidenti Aleksandr Çeferinə məxsusdur.

İlham Əliyevə Azərbaycan Prezidenti seçilməsi münasibətilə təbrik məktubu göndərən sloveniyalı futbol funksioneri ölkəmizdə bu idman növünün inkişafda olmasına toxunub.

“Futbola göstərdiyiniz yüksək qayğıya görə Sizə təşəkkürümü bildirirəm. Bundan əlavə, Bakı UEFA-nın AVRO-2020-nin həlledici oyunlarına ev sahibliyi edərkən hər kəsin əsl həyəcan hissləri keçirdiyini xatırlatmaq istəyirəm”, - deyə o əlavə edib.

Çeferin məktubunda bu hökumətin dəstəyi və AFFA-nın gördüyü işləri də vurğulayıb.

“Bildiyiniz kimi, 30 il əvvəl - 1994-cü ildə Azərbaycan Futbol Federasiyaları Assosiasiyası UEFA-nın üzvü seçilib. Hökumətin dəstəyi və milli assosiasiyanın fəaliyyəti sayəsində Azərbaycanda futbol bütün səviyyələrdə davamlı olaraq inkişaf edir. Futbol infrastrukturu inkişaf edir və bu, oyunlara yeni yanaşmaları təmin edir. Klubların mütəmadi olaraq Avropa səviyyəsində çıxışları fəxr etməyə və gələcəyə böyük ümidlə baxmağa imkan yaradır”, - deyə o qeyd edib.

İdman.biz