Bakı,AzerVoice

Azərbaycanın müxtəlif ölkələrində humanitar aksiyalar həyata keçirən “Damla” İctimai Birliyi bu dəfə də ənənəsinə sadiq olaraq, Xaçmazda qurban aksiyası təşkil edib. Aksiya çərçivəsində qurbanlıq heyvanlar kəsilərək ehtiyacı olan ailələrə paylanılıb. Ümumilikdə 100-dən çox qurban sovqatı təqdim edilib.

“Damla” İctimai Birliyinin nümayəndələri bildirib ki, bu aksiya ilə aztəminatlı ailələrin bayram sevincini bölüşmək və onlara dəstək göstərmək məqsədilə təşkil olunub.
Tədbir sonrası baram sovqatı alan ailələr “Damla” İctimai Birliyi təmsilçilərinə təşəkkür ediblər.

Qeyd edək ki, “Damla”İB xeyriyyə qurumu olaraq – aztəminatlı ailələrə, valideyn himayəsindən qismən və ya tamamən məhrum uşaqlara, fiziki əngəlli insanlara və tənha yaşayan ehtiyaclı durumda ahıllara, imkansız tələbə gənclərə və təbii fəlakətlər nəticəsində yardıma möhtac əhaliyə, əməliyyat və müalicə üçün maddi dəstəyə ehtiyaclı soydaşlarımıza ünvanlı yardımların göstərilməsi məqsədilə yaradılmışdır. 2008-ci ildə könüllü yardımsevərlərin təklif və işgüzarlığı ilə kiçik yardım aksiyaları olaraq başlayan fəaliyyət 2010-cu ildə QHT olaraq Azərbaycan Dövlət Ədliyyə Nazirliyinin rəsmi qeydiyyatına alınmıştır.

İctimai birlik ərzaq, sosial (geyim və məişət avadanlığı, odun ehtiyacı və s), tibbi və təhsil yardımları ilə yanaşı mənəvi-psixoloji dəstək, təmir-tikinti işlərində yardım kimi böyük əhatli xidmətlər göstərməkdədir.

Birliyin nəznində beş şöbə fəaliyyət göstərir. Onlara dizayn və informasiya şöbəsi, ictimai əlaqələr şöbəsi, valideyn himayəsindən məhrum uşaqlarla iş şöbəsi, aztəminatlı ailələrlə iş şöbəsi və könüllülərlə iş şöbəsi daxildir.