BAKI,AzerVoice
Layihə çərçivəsində Ağdaş rayon Qoşaqovaq kənd tam orta məktəbinin 6–8-ci siniflərindən seçilmiş 24 nəfər şagirdin iştirak edəcəyi 10 günlük təlim proqramının həyata keçirilməsi nəzərdə tutulur.
AzerVoice xəbər verir ki, proqram müddətində şagirdlərlə fikrini əsaslandırmaq, arqument qurmaq, təqdimat strukturu yaratmaq və auditoriya qarşısında çıxış etmək bacarıqları üzrə praktiki məşğələlər və interaktiv fəaliyyətlər təşkil olunacaq.
Xatırladırıq ki, “TEDxTARİX” qrant layihəsi Rəvan İbrahimli İbrahim oğlu tərəfindən Ağdaş rayon Qoşaqovaq kənd tam orta məktəbdə həyata keçirilir.
Layihənin məqsədi təhsilalanlarda təqdimetmə və tənqidi təfəkkür bacarıqlarını formalaşdırmaqla onların həyati bacarıqlarının güclənməsinə dəstək olmaqdır.
