Bakı. AzerVoice:
Beş iyun tarixində Azərbaycanın xeyriyyə qurumu Damla İctimai Birliyi ilə Rusiyanın uşaqlar və böyüklər üçün əl və ayaq protezləri istehsal edən Kiber Motorika şirkəti arasında işgüzar görüş baş tutub.
Bakı. AzerVoice-ə bu haqda Damla İctimai Birliyi tərəfindən məlumat verilib.
Məlumata əsasən, şirkətin MDB ölkələri üzrə şöbə müdiri Valeriya Çemikos və satış şöbə müdiri Oleq Pinaev Damla İB-nin qonağı olub. Şirkət uşaqlar üçün xüsusi dizaynlı həmçinin böyüklər üçün əl və ayaq protezləri istehsal edir. Şirkət həmçinin aztəminatlı ailələrdən olan uşaqları protezlərlə təmin etmək üçün xeyriyyə təşkilatları ilə də əməkdaşlıq edir.
Görüş zamanı hər iki tərəf fəaliyyət sahələri barəsində ətraflı məlumat verikdən sonra Kiber Motorika şirkətinin nümayəndələri istehsal etdikləri protezləri əyani şəkildə göstərərək qarşı tərəfə məhsullar haqqında məlumat veriblər. Eyni zamanda Damlanın himayəsində olan dörd uşağın protez ehtiyacı da şirkətə bildirilib.
