BAKI,AzerVoice
Quba rayonunda Ramazan ayı münasibətilə şəhid ailələri üçün iftar süfrəsi təşkil edilib. Tədbir “Pətək Bal Evi” restoranında baş tutub və şəhid ailələri iştirak ediblər. AzerVoice xəbər verir ki, iftar süfrəsində müqəddəs Qurani-Kərimdən ayələr oxunub, dualar edilib və şəhidlərimizin ruhuna ehtiram göstərilib. Tədbir iştirakçıları şəhidlərin göstərdiyi qəhrəmanlıqdan danışaraq, onların ailələrinə hər zaman dəstək olunmasının vacibliyini vurğulayıblar.
Şəhid ailələri onlara göstərilən diqqət və qayğıya görə minnətdarlıq edib, belə tədbirlərin milli həmrəylik baxımından böyük əhəmiyyət daşıdığını bildiriblər.
Qeyd edək ki, bu cür xeyriyyə tədbirləri Ramazan ayı boyunca davam edəcək.
