BAKI, AzerVoice, Nailə Babazadə
1 dekabr 2025-ci il tarixində Quba şəhərində “Cümə” məscidi dini icması ətraf mühiti gözəlləşdirmək və şəhərə yeni nəfəs gətirmək məqsədilə iməcilik keçirib. İcma üzvləri məscid ətrafında ağaclar əkib, ərazini təmizləyərək həm təbiətə, həm də insan ruhuna toxunan bir təşəbbüs göstəriblər.
AzerVoice xəbər verir ki, tədbir iştirakçıları vurğulayıblar ki, “təmizlik imandan gəlir” və bu kiçik, amma səmimi addımlar həm şəhərin görünüşünü, həm də insanların gündəlik həyatına sevgi və harmoniyanı gətirir. İcma üzvləri həmrəyliyi və birlik ruhunu ön plana çıxararaq, belə aksiyaların gələcək nəsillər üçün yaşıl və təmiz mühitin qorunmasına töhfə verəcəyini bildiriblər.
Təşkilatçılar qeyd ediblər ki, icma üzvlərinin könüllü fəaliyyəti davam edəcək və şəhərin digər ərazilərində də yaşıllaşdırma və təmizlik işləri həyata keçiriləcək.
