BAKI,AzerVoice
Müəzzin, məscidlərdə əzan oxuyan və namazlara çağıran şəxsdir. Müəzzin, İslam cəmiyyətində əhəmiyyətli bir yerə sahibdir. Bəs müəzzinin vəzifəsi necə yerinə yetirilir
Əzan Oxuma: Müəzzin, namaz vaxtı daxil olduğunda azanı oxuyur. Azanın sözləri aşağıdakılardır:
Allahu əkbər - (4 dəfə), (Allah ən böyükdür).
Əşhədu əllə iləhə illə-l-lah - (2 dəfə), (Mən şəhadət verirəm ki,
Allahdan başqa haqq ilah "məbud" yoxdur).
Əşhədu ənnə Muhəmmədə-r-rasulullah - (2 dəfə), (Mən şahədət verirəm
ki, Məhəmməd Allahın elçisidir).
Hayyə alə-s-saləh - (2 dəfə), (Namaza tələsin!).
Hayyə alə-l-fələh - (2 dəfə), (Xeyir işə, nicata, qurtuluşa
tələsin!).
Allahu Əkbər - (2 dəfə), (Allah ən böyükdür).
Lə iləhə illə-l-lah - (1 dəfə), (Allahdan başqa haqq ilah "məbud"
yoxdur).
Bu sözlərlə müəzzin, insanları namaza çağırır.
Qamət gətirmək: Fərz namazından əvvəl qamət
gətirilir. Qamət, əzanın təkrarıdır, amma "Qəd qəmetis-salah"
(Namaz başlamaq üzrə) əlavəsi ilə edilir.
Allahu əkbər (2 dəfə), (Allah ən böyükdür).
Əşhədu əllə iləhə illə-l-lah - (1dəfə), (Mən şəhadət verirəm ki,
Allahdan başqa haqq ilah "məbud" yoxdur).
Əşhədu ənnə Muhəmmədə-r-rasulullah - (1 dəfə), (Mən şahədət verirəm
ki, Məhəmməd Allahın elçisidir).
Hayyə alə-s-saləti - (1 dəfə), (Namaza tələsin!).
Hayyə alə-l-fələh - (1 dəfə), (Xeyir işə, nicata, qurtuluşa
tələsin!).
Qad qaməti-s-salətu, (2 dəfə), (Artıq namaz başlandı).
Allahu Əkbər - (2 dəfə), (Allah ən böyükdür).
Lə iləhə illə-l-lah - (1 dəfə), (Allahdan başqa haqq ilah "məbud"
yoxdur).
Abdullah ibn Zeyd ibn Abdi-Rabbihi (Allah ondan razı olsun) belə
deyir: "Peyğəmbər (Allahın ona salavatı və salamı olsun) camaatı
toplamaq üçün zəng çaldırmaq qərarına gəlmişdi. Lakin xaçpərəstlər
də belə etdikləri üçün peyğəmbər bundan narahatlıq hissi keçirirdi.
Bu ərəfədə mən yuxuda olarkən bir nəfər yuxuma gəldi. Həmin adamın
əynində yaşıl paltar, əlində isə zəng var idi. Mən ona dedim: Ey
Allah bəndəsi, zəngi satırsanmı? O dedi: Onu nə edirsən? Mən dedim:
Biz onunla camaatı namaza çağıracayıq. O dedi: Mən sənə bundan daha
xeyirlisini deyimmi? Mən dedim: Əlbəttə, de. O dedi: Bax belə
deyirsən:
Allahu Əkbər, Allahu Əkbər.
Allahu Əkbər, Allahu Əkbər.
Əşhədu əllə iləəhə illəllah.
Əşhədu əllə iləəhə illəllah.
Əşhədu ənnə Muhəmmədən Rasulullah.
Əşhədu ənnə Muhəmmədən Rasulullah.
Həyyə alə-s-Saləh.
Həyyə alə-s-Saləh.
Həyyə alə-l-Fələh.
Həyyə alə-l-Fələh.
Allahu Əkbər, Allahu Əkbər.
Lə iləəhə illəllah.
Sonra bir az aralandı və dedi: Namaza durduqda isə (yəni iqamə verdikdə) belə deyirsən;
Allahu Əkbər, Allahu Əkbər.
Əşhədu əllə iləəhə illəllah.
Əşhədu ənnə Muhəmmədən Rasulullah.
Həyyə alə-s-Saləti.
Həyyə alə-l-Fələh.
Qad qaaməti-s-Salət. Qad qaaməti-s-Salət.
Allahu Əkbər, Allahu Əkbər.
Lə iləhə illəllah.
Abdullah ibn Zeyd ibn Abdi-Rabbihi deyir: Səhər açılanda
peyğəmbərin yanına gəldim və gördüklərimi ona danışdım. O, isə
dedi: "Bu yuxu, haqq yuxudur inşallah. Sonra azan verilməsini əmr
etdi. Azanı, Əbu Bəkrin köləsi Bilal oxuyurdu". (Əbu Dəvud: № 469.
Əhməd: 3/ 14/ № 244; Əbu Dəvud: 2/ 169/ № 495; Tirmizi: 1/ 122/ №
189; İbn Məcəh: 1/ 232/ № 706).
Salam Duası Oxuma: Namazdan sonra, müəzzin "Salam duası"nı
oxuyur:"Allahümme əntə’s-selâm və minkə’s-səlam
Təsbihat və Dualar: Namazdan sonra müəzzin,
camaatla birlikdə müxtəlif zikrlər edir. Zikrlər arasında:
Subhanallah (Allah nöqsanlardan uzaqdır)
Əlhamdulillah (Həmd Allahadır)
Allahu Əkbər (Allah ən böyükdür)
Ayətü’l-Kürsü Oxuma: Hər kəs Ayətü’l-Kürsü oxuyur. Bu
ayə, Allahın qüdrətini və böyüklüyünü izah edən vacib bir
ayədir.
Allahdan başqa ilah yoxdur! O diridir, bütün məxluqatı
idarə edir. O nə mürgüləyər, nə də yuxulayar. Göylərdə və yerdə nə
varsa hamısı Onundur. İzni olmadan Onun yanında kim şəfaət edə
bilər?! Önlərindəkini (edəcəkləri əməlləri) də, arxalarındakını
(etdikləri əməlləri) də O bilir. (Yaradılanlar) Allahın elmindən,
Onun dilədiyi qədərindən başqa heç nəyi qavraya bilməzlər. Onun
kürsüsü göyləri və yeri əhatə etmişdir. Onları mühafizə etmək isə
Ona çətin deyildir. Ən uca və ən böyük olan da Odur! (İçində
“kürsü” kəlməsi keçdiyi üçün bu ayəyə “Ayəti-kürsi” deyilmişdir.
Burada sözügedən kürsü bildiyimiz kürsü və ya taxt mənasında deyil,
Allahın şəninə layiq olan və mahiyyətini bilmədiyimiz bir
şeydir.)
Son Dua: Müəzzin, son olaraq bu duanı
oxuyur:
Lə ilahə illallah vahdəhu la şərikələh... (Allahdan başqa ilah
yoxdur. Bütün mülk Ona aiddir) Bu dua, Allahın mütləq qüdrətini və
təvhid inancını vurğulayır.Müəzzinlik yalnız səsli oxumaq deyil,
həm də mənəvi bir məsuliyyətdir.
