BAKI,AzerVoice
“Əzm Qlobal Flotiliyasının” (SUMUD) saxlanılan iştirakçıları arasında iki azərbaycanlı var. AzerVoice xəbər verir ki, bu haqda flotiliyanən rəsmi internet saytında deyilir.
Məlumata əsasən “Əzm Qlobal Flotiliyasının” iştirakçıları arasında iki Azərbaycan vətəndaşı - Orxan Səmədzadə və Pərvin Əzimov da var. Onlar Qəzzaya humanitar yardım aparmaq məqsədilə təşkil olunan dinc aksiya zamanı İsrail tərəfindən saxlanılıb və hazırda qanunsuz şəkildə həbsdə saxlanılırlar.
Azərbaycan vətəndaşları Orxan Səmədzadə və Pərvin Əzimov sentyabrın 30-da İtaliyanın Otranto şəhərindən “Conscience” (“Vicdan”) adlı gəmi ilə yola çıxıblar.
Məlumata görə, azərbaycanlıların hazırkı vəziyyəti və səhhətləri barədə heç bir məlumat yoxdur. Beynəlxalq hüquq-müdafiə təşkilatları İsrail hakimiyyətini Orxan Səmədzadə və Pərvin Əzimovun taleyi barədə məlumat verməyə, eləcə də onlara konsulluq yardımına çıxış imkanı yaratmağa çağırıb.