BAKI,AzerVoice, Nailə Babazadə
Yeni Zelandiya yaxınlığında 6,1 bal gücündə güclü yeraltı təkanlar qeydə alınıb.
AzerVoice xəbər verir ki, ABŞ Geoloji Araşdırmalar Mərkəzinin (USGS) yaydığı məlumata görə, zəlzələnin episentri ölkənin şimalında yerləşən Kermadek adaları olub.
Yerin 184,2 kilometr dərinliyində baş verən zəlzələ nəticəsində, ilkin məlumatlara əsasən, hər hansı can itkisi və ya ciddi dağıntı qeydə alınmayıb. Sakit okeanda baş verən təkanlardan sonra rəsmi qurumlar tərəfindən sunami xəbərdarlığı edilməyib.
Qeyd edək ki, Yeni Zelandiya və Solomon adaları Sakit okeanda "Atəş həlqəsi" adlandırılan sismik aktiv zonada yerləşir. Bu fay xətti üzərində yerləşən ölkələr mütəmadi olaraq güclü zəlzələlər və vulkan püskürmələri ilə üzləşirlər. Bölgədəki seysmik vəziyyət mütəxəssislər tərəfindən daim nəzarətdə saxlanılır.