BAKI, AzerVoice, Nailə Babazadə
ABŞ Prezidenti Donald Tramp, Çinin hərbi gücünü sərgilədiyi keçid yürüşünə ev sahibliyi etdiyi dövrdə Çin, Şimali Koreya və Rusiya liderlərini ölkəsinə qarşı sui-qəsd qurmaqda ittiham etdi.
AzerVoice xəbər verir ki, Tramp, sosial media hesabından etdiyi açıqlamada, “Cavablandırılması lazım olan ən önəmli sual, Çin Dövlət Başçısı Sinin, bir xarici işğalçıdan azadlığını təmin etmək üçün ABŞ- ın Çinə verdiyi möhtəşəm dəstək və axıdılan qanlardan bəhs edib-etməyəcəyidir.” ifadələrini işlətdi.
Çinin zəfər mübarizəsində bir çox amerikalının həyatını itirdiyini bildirən Tramp, onların cəsarət və fədakarlıqlarının “haqlı olaraq şərəfləndiriləcəyini və xatırlanacağını” ümid etdiyini vurğulayıb.
Tramp, Çin, Şimali Koreya və Rusiya liderlərini ABŞ’a qarşı sui-qəsd qurmaqda ittiham edib.
“Başçı Si və Çinin möhtəşəm xalqı, əla və qalıcı bir bayram günü keçirsin. ABŞ- a qarşı sui-qəsd qurarkən lütfən Vladimir Putin və Kim Çen In ən səmimi salamlarımı çatdırın.” - deyə qeyd edib.
Açıqlamanın, Çində İkinci Dünya Müharibəsinin bitişinin 80-ci ildönümü qeyd olunması çərçivəsində Pekindəki Tienanmen Meydanında böyük hərbi keçid yürüşünün təşkil ediləcəyi 3 Sentyabr tarixində yayımlanması diqqət çəkdi.
Tarixi meydandakı keçid yürüşləri çərçivəsində Çin, yeni pilotsuz hava vasitələri, kibermüharibə və elektron döyüş vasitələri və hipersəsli silahlar da daxil olmaqla yeni nəsil hərbi imkanlarını sərgiləyir.
