BAKI,AzerVoice, Fərid Mikayılov

ABŞ Prezidenti Donald Tramp İranda baş verən etiraz aksiyaları ilə bağlı sərt bəyanatla çıxış edib.

AzerVoice xəbər verir ki, Tramp bildirib ki, əgər İran hakimiyyəti dinc etirazçılara qarşı zorakılıq tətbiq edərsə, ABŞ müdaxiləyə hazırdır.

Tramp qeyd edib ki, ABŞ silahlı qüvvələri tam döyüş hazırlığı vəziyyətindədir:

“Silahlarımız hazırdır. Onları xilas etməyə, lazım gələrsə atəş açmağa hazırıq. Əgər İran dinc etirazçıları vuraraq zorakılıqla öldürərsə, ABŞ onların köməyinə çatacaq” – deyə Tramp bildirib.

ABŞ Prezidenti bu fikirləri özünə məxsus Truth Social sosial şəbəkəsində paylaşıb. O, paylaşımında İran hakimiyyətini bir daha sərt şəkildə tənqid edərək, Vaşinqtonun vəziyyəti yaxından izlədiyini və dərhal hərəkətə keçməyə hazır olduğunu vurğulayıb.

“İran dinc etirazçıları güllələyərək öldürərsə, bu, onların vərdişidir, ABŞ müdaxilə edəcək. Biz hərəkətə keçməyə hazırıq” – deyə Tramp qeyd edib.

Trampın bu açıqlaması Yaxın Şərqdə gərginliyin artdığı və İranda etiraz aksiyalarının davam etdiyi bir dövrdə verilib.