BAKI, AzerVoice, Səməd Əyyubov
BMT Təhlükəsizlik Şurası sentyabrın 10-da keçirəcəyi iclasda İsrailin Qətərin paytaxtı Dohaya endirdiyi hücumu müzakirə edəcək.
AzerVoice xəbər verir ki, bununla bağlı məlumatı sentyabr ayında BMT Təhlükəsizlik Şurasına sədrlik edən Cənubi Koreyanın daimi nümayəndəliyi yayıb.
“Gündəliyin ‘Yaxın Şərqdə vəziyyət’ bəndi üzrə iclas sabah saat 15:00-da (Bakı vaxtı ilə 23:00-da) keçiriləcək” – deyə nümayəndəlik jurnalistlərə açıqlama verib.
Diplomatik mənbələrin bildirdiyinə görə, fövqəladə iclasın çağırılmasını Əlcəzair, Pakistan və Somali təşəbbüs göstərərək tələb edib.
Qeyd edək ki, “Əl-Cəzirə” telekanalı HƏMAS-dakı mənbələrə istinadən Xəlil əl-Həyyənin rəhbərlik etdiyi nümayəndə heyətinin İsrailin Dohada həyata keçirdiyi sui-qəsd cəhdindən xilas olduğunu bildirib.
