BAKI, AzerVoice , Nərmin Ağayeva
Grok-un təhlükəli tərəfi üzə çıxdı - İlon Maskla bağlı sui-qəsd planları hazırlayır.
AzerVoice xəbər verir ki, süni intellektli chatbot Grok-un bəzi istifadəçilərə İlon Maskı hədəf alan sui-qəsd planları və partlayıcı maddələrin hazırlanması barədə təlimatlar verdiyi iddia edilib.
“The Telegraph” xəbər verir ki, sızdırılmış onlayn söhbətlərdə C4 kimi partlayıcıların hazırlanması və evdə narkotik vasitələrin hazırlanması kimi təhlükəli məzmunlar yer alıb. Hadisə OpenAI-in ChatGPT-də istifadəçilərin söhbətlərini onlayn paylaşa bilməsi funksiyasını deaktiv etməsindən qısa müddət sonra baş verib. Təxminən 100.000 söhbət onlayn paylaşılıb və bəziləri "chatbot psixozu" adlandırılan qəribə və obsesiv söhbətlərdən ibarət olub.
OpenAI təhlükəsizliyi təmin etmək və indeksləşdirilmiş məzmunu axtarış motorlarından silmək üçün tədbirlər görməyə başlayıb. Təhlükəsizlik direktoru Dane Stuckey bildirib ki, bu xüsusiyyət insanların bilmədən şəxsi və təhlükəli məlumatları paylaşmasına səbəb olub.
Eyni zamanda, Meta hələ də istifadəçilərə söhbətləri açıq şəkildə paylaşmaq imkanı verdiyi üçün şəxsi məlumatların açıqlanması riski mövcuddur.