BAKI, AzerVoice, Nərmin Ağayeva
Boliviyada üç böyük meşə yanğını səbəbindən “Milli Fövqəladə Vəziyyət” elan edilib.
AzerVoice xəbər verir ki, Prezident Luis Arce Santa Cruz, Cochabamba və Noel Kempff Mercado bölgələrində baş verən yanğınlarla mübarizə məqsədilə Nazirlər Şurasının qərarı ilə ölkədə fövqəladə hal tətbiq edildiyini açıqlayıb.
Prezident Arce yanğınların daha da genişlənə biləcəyini qeyd edərək, beynəlxalq həmrəylik və yardımların sürətlə çatdırılması üçün tədbirlər görüldüyünü bildirib. Mülki Müdafiə Nazirinin müavini Xuan Karlos Kalvimontes isə yanğınsöndürən və hərbi qrupların biomüxtəlifliyi qorumaq üçün intensiv çalışdığını qeyd edib.
Qeyd edək ki, iyun ayından bəri Boliviyada 720 fərqli ərazidə yanğınlar qeydə alınıb. 2024-cü ildə isə ölkədəki yanğınlarda 12 milyon hektardan çox ərazi zərər görüb.
