BAKI, AzerVoice, Səməd Əyyubov
Rusiya Ukrayna xalqını hər zaman qardaş xalq hesab edib və baş verənləri böyük bir faciə kimi görür.
AzerVoice xəbər verir ki, bunu Rusiya prezidenti Vladimir Putin ABŞ prezidenti Donald Tramp ilə görüşdən sonra keçirilən birgə mətbuat konfransında deyib.
“Biz həmişə və bu gün də, indiki şəraitdə nə qədər qəribə səslənsə də, ukrayna xalqını qardaş xalq hesab etmişik. Mən bunu dəfələrlə demişəm. Bizim köklərimiz eynidir və baş verənlərin hamısı bizim üçün faciə və ağır ağrıdır. Ölkəmiz bu vəziyyətə son qoymaqda maraqlıdır.” – deyə o, bildirib.
Xatırladaq ki, bundan əvvəl Alyaskada yerləşən “Elmendorf-Riçardson” hərbi bazasında iki liderin məhdud formatda görüşü baş tutub. Görüşdə Rusiya tərəfini Prezidentin köməkçisi Yuri Uşakov və xarici işlər naziri Sergey Lavrov, ABŞ tərəfini isə dövlət katibi Marko Rubio və Prezidentin xüsusi nümayəndəsi Stiven Uitkoff təmsil edib. Liderlər əvvəlcə qısa söhbət aparıb, daha sonra “üçə-üç” formatında əsas müzakirələrə keçiblər.