BAKI, AzerVoice, Səməd Əyyubov
Rusiya Prezidenti Vladimir Putin, ABŞ Prezidenti Donald Tramp ilə aparılan danışıqları faydalı və konstruktiv olaraq qiymətləndirib.
AzerVoice xəbər verir ki, bu barədə Putin iki liderin məhdud formatda keçirdikləri görüşün yekunlarına həsr olunmuş birgə mətbuat konfransında bildirib.
“Danışıqlarımız qarşılıqlı hörmət və konstruktivlik atmosferində keçdi. Müzakirələr çox geniş məzmunlu və faydalı oldu” – deyə, Putin vurğulayıb.
Xatırladaq ki, bundan əvvəl Alyaskada yerləşən “Elmendorf-Riçardson” hərbi bazasında iki liderin məhdud formatda görüşü baş tutub. Görüşdə Rusiya tərəfini Prezidentin köməkçisi Yuri Uşakov və xarici işlər naziri Sergey Lavrov, ABŞ tərəfini isə dövlət katibi Marko Rubio və Prezidentin xüsusi nümayəndəsi Stiven Uitkoff təmsil edib. Liderlər əvvəlcə qısa söhbət aparıb, daha sonra “üçə-üç” formatında əsas müzakirələrə keçiblər.