BAKI, AzerVoice, Səməd Əyyubov
ABŞ prezidenti Donald Tramp, Rusiya prezidenti Vladimir Putin ilə Alyaskada keçirilməsi planlaşdırılan üçtərəfli sammitə Ukrayna prezidenti Volodimir Zelenski və bəzi Avropa liderlərinin də dəvət oluna biləcəyini bildirib.
AzerVoice-un məlumatına görə, Tramp əsas məqsədinin “təcili sülh razılaşmasına” nail olmaq olduğunu vurğulayaraq, qısa müddətdə sülhün təmin edilməsinə önəm verdiyini qeyd edib. O, sabahkı görüşün gedişatından asılı olaraq Zelenskini sammitin keçiriləcəyi yerə dəvət edə biləcəyini bildirib.
Xatırladaq ki, Tramp daha əvvəl avqustun 15-də Putinlə Alyaskada görüşəcəyini açıqlamışdı. Rusiya prezidentinin köməkçisi Yuri Uşakov da bu planı təsdiqləyərək, görüşün əsas mövzusunun Ukrayna münaqişəsinin uzunmüddətli sülh yolu ilə həlli variantları olacağını bildirmişdi.
