BAKI, AzerVoice, Nərmin Ağayeva
Səudiyyə Ərəbistanının vəliəhd şahzadəsi Məhəmməd bin Salman və Ukrayna prezidenti Vladimir Zelenski Ukrayna böhranında baş verənləri müzakirə ediblər.
AzerVoice xəbər verir ki, dünən telefon danışığı zamanı şahzadə Məhəmməd bin Salman ölkəsinin Ukraynadakı böhranın həlli, sülhün əldə edilməsi və dialoqun asanlaşdırılması üçün bütün səy və təşəbbüsləri dəstəklədiyini vurğulayıb.
Ukrayna prezidenti Zelenski isə Səudiyyə Ərəbistanının sülh yolunda göstərdiyi səylərə görə minnətdarlığını bildirib.
Qeyd edək ki, bu danışıq regionda sülh prosesinin təşviqi və beynəlxalq əməkdaşlığın gücləndirilməsi baxımından önəm daşıyır.
