Bakı, AzerVoice, Nərmin Ağayeva
Filippin Prezidenti Kiçik Ferdinand Markos Çinin Tayvanla bağlı potensial münaqişədə ölkəsinin “qaçınılmaz olaraq” bu məsələyə cəlb olunacağını bildirib və öz torpaqlarını müdafiə edəcəklərini vurğulayıb.
AzerVoice xəbər verir ki, Manilada keçirilən mətbuat konfransında Markos Tayvanla coğrafi yaxınlıq və adada yaşayan minlərlə filippinli işçinin mövcudluğuna diqqət çəkərək, Çinlə gərginliklərin ölkəsinə təsirini istisna etməyib.
O, “Müharibə istəmirik, amma biz bu məsələdə hər bir ehtimalı gözə alacağıq” ifadəsini işlədib.
Xatırladaq ki, Çin Xarici İşlər Nazirliyi avqustun 8-də Kiçik Markosun açıqlamalarına etiraz notası göndərmiş, Tayvanın Çin ərazisinin ayrılmaz hissəsi olduğunu bildirərək Filippini çəkindirmişdi.
Buna baxmayaraq, Filippin lideri son vaxtlar Çinin artan dəniz fəaliyyəti və təzyiqlərinə baxmayaraq geri çəkilməyəcəklərini və suverenliyini qoruyacaqlarını bir daha təkrarlayıb.
