BAKI, AzerVoice, Səməd Əyyubov – Rusiyanın Kamçatka yarımadasında 5,3 maqnitudalı zəlzələ baş verib.
AzerVoice xəbər verir ki, bu barədə Rusiya Elmlər Akademiyasının Geofizika Xidmətinin Kamçatka filialı məlumat yayıb.
Məlumata görə, zəlzələ Petropavlovsk-Kamçatski şəhərindən 158 kilometr cənub-şərqdə qeydə alınıb. yeraltı təkanların ocağı 48,6 kilometr dərinlikdə yerləşib. Zəlzələnin hiss olunması barədə hələlik məlumat verilməyib.
Qeyd edək ki, seysmoloqların bildirdiyinə görə, bölgədə seysmik aktivlik azalmaqda olsa da, hələ də yüksək olaraq qalır. İyulun 30-da baş vermiş 8,8 maqnitudalı zəlzələdən sonra afterşokların bir neçə ay davam edəcəyi proqnozlaşdırılır.
