BAKI, AzerVoice, Fərid Mikayılov
Polşanın Baş Naziri Donald Tusk NATO ölkələrinə alyansın yaradılmasının əsas məqsədinin Rusiyaya qarşı olduğunu xatırladıb.
AzerVoice xəbər verir ki, o, bu barədə X sosial media hesabında paylaşım edib.
“Bizim müttəfiqlərimizə xatırlatmaq istəyirəm ki, NATO, sovet aqressiyasından, yəni Rusiyadan qorumaq üçün yaradılmışdı. Alyansın əsasında həmrəylik dayanırdı, eqoist maraqlar yox. Ümid edirəm, bu, hələ də dəyişməyib” – Tusk qeyd edib.
Əvvəllər Polşa Müdafiə Nazirliyinin müavini Çesari Tomçik bildirib ki, nazirlik Avropa İttifaqından sərhədlərin möhkəmləndirilməsi, pilotsuz uçuş aparatlarının alınması və digər hərbi məqsədlər üçün 43,7 milyard avro istəyib. O əlavə edib ki, ölkə Avropanın militarizasiyası proqramı SAFE çərçivəsində onlarla milyard avro əldə etməyi planlaşdırır.