BAKI, AzerVoice
Son 24 saat ərzində İsrail ordusunun Qəzza zolağına həyata keçirdiyi hücumlar nəticəsində 89 nəfər həlak olub.
AzerVoice xəbər verir ki, bu barədə Fələstin Səhiyyə Nazirliyi məlumat yayıb.
Məlumata görə, son 24 saat ərzində Qəzza xəstəxanalarına 89 nəfərin cəsədi və 453 yaralı gətirilib.
Həmçinin bildirilib ki, İsrail ordusunun 2023-cü il oktyabrın 7-dən etibarən Qəzza zolağına həyata keçirdiyi hücumlarda həlak olanların sayı son 59 587 nəfərə çatıb. Yaralananların sayı isə 143 498-ə yüksəlib.
İsrail ordusunun bu il yanvarın 19-da əldə olunmuş atəşkəsi pozaraq martın 18-dən bəri Qəzzada həyata keçirdiyi hücumlarda 8 447 fələstinlinin həlak olduğu, 31 457 nəfərin isə yaralandığı bildirilib.
Bununla yanaşı bildirilib ki, 27 may tarixindən bəri isə İsrail və ABŞ-ın təşkilatçılığı ilə qurulan “Qəzza Humanitar Yardım Fondu” vasitəsilə yardım paylama məntəqələrində fələstinliləri hədəf alan hücumlarda ölənlərin sayı 23 nəfər artaraq 1 083-ə, yaralıların sayı isə 7 275-ə çatıb.
Qeyd edək ki, Qəzza zolağında dağıntılar altında hələ də minlərlə meyitin olduğu qeyd olunur.
