BAKI, AzerVoice
BMT-nin Ümumdünya Ərzaq Proqramı (WFP) cümə axşamı bildirib ki, Yaxın Şərq və Şimali Afrika bölgəsində 33 milyondan çox insan aclıq və qida təhlükəsizliyinin olmaması ilə üz-üzədir.
AzerVoice xəbər verir ki, qurumun “X” (əvvəlki Twitter) platformasında yayımladığı hesabatda qeyd olunur ki, regionda davam edən silahlı münaqişələr və kütləvi köç səbəbindən ərzaq çatışmazlığı dərinləşməkdədir.
Proqram xəbərdarlıq edib ki, təcili yardım təmin olunmazsa, o zaman ərzaq paylaması və məktəb qidalanma proqramları da daxil olmaqla əsas humanitar fəaliyyətlər dayandırıla bilər.
Digər tərəfdən, bu gün Qəzzadakı Hökumət Mətbuat İdarəsi məlumat verib ki, zolaqda aclıq və qidalanma çatışmazlığı səbəbindən 115-dən çox insan həyatını itirib. Bildirilib ki, hazırkı humanitar fəlakətin qarşısını almaq üçün Qəzza sakinləri hər həftə azı 500 min kisə una ehtiyac duyur.