BAKI, AzerVoice

Qəzza zolağında aclıq problemi getdikcə artır.

AzerVoice xəbər verir ki, bu sözləri Birləşmiş Millətlər Təşkilatının (BMT) Baş katibi Antonio Quterreş deyib.

O, BMT təhlükəsizlik şurasına (BMT TŞ) müraciət edərkən Qəzzadakı əhalinin vəziyyətini dəhşətli adlandırıb və humanitar yardım prisiplərinin çökmək üzrə olduğunu bildirib.

“Biz hazırda humanitar prinsiplər üzərində qurulmuş yardım sisteminin çökdüyünü görürük” - deyə, o qeyd edib.

Baş katib xəbərdarlıq edib ki, Qəzza zolağında mövcud şərait humanitar yardım sisteminin fəaliyyətinə imkan vermir.

“Xidmət göstərmək üçün məkan əlçatan deyil. Həyatları xilas etmək üçün təhlükəsizlik təmin edilmir,” – deyə Quterreş bildirib.

O, həmçinin texnoloji şirkətləri 2030-cu ilə qədər yalnız 100 faiz bərpa olunan enerji ilə işləyəcək məlumat mərkəzləri qurmağa çağırıb.

“Məlumat mərkəzləri təmiz enerji gələcəyini təmin etməlidir. Bərpa olunan enerjiyə keçid qaçılmazdır” – deyə o, qeyd edib.

Qeyd edək ki, onun bu çağırışı ABŞ prezidenti Donald Trampın süni intellekt üzrə administrasiyasının Fəaliyyət Planını təqdim etməsinə bir gün qalmış səsləndirilib. Gözlənilir ki, bu plan torpaq istifadəsi və enerji istehsalı ilə bağlı məhdudiyyətlərin azaldılmasını hədəfləyən bir sıra sərəncamlar ehtiva edəcək və süni intellektin inkişafını təşviq edəcək.