10
BAKI, AzerVoice
Tehranın su ehtiyatları narahatlıq doğuracaq səviyyədədir.
AzerVoice xəbər verir ki, İran prezidenti Məsud Pezeşkian Daxili İşlər Nazirliyində ölkə qubernatorları ilə görüşündə açıqlama verib.
Tehranın su çatışmazlığına toxunan Pezeşkian "Tehran hazırda su ehtiyatlarının ciddi tükənməsi ilə üz-üzədir və ehtiyatlarımız qorxulu səviyyədədir. Bu böhrandan çıxmaq xalqın əməkdaşlığı olmadan mümkün deyil. Ətraflı araşdırmalar su ehtiyatlarının tükəndiyini və bu günə qədər resursların düzgün idarə olunmadığını ortaya qoyur"- deyə qeyd edib.
Qeyd edək ki, Pezeşkian mövcud vəziyyətin nə təbiətə, nə də başqalarına aid edilə bilməyəcəyini vurğulayaraq, keçmiş səhv qərarların bu böhrana səbəb olduğunu bildirib.
