BAKI, AzerVoice
ABŞ prezidenti Donald Tramp Qəzza ilə bağlı “yaxşı xəbərlər” olduğunu açıqlayıb və atəşkəsə dair razılığın mümkünlüyünü vurğulayıb.
AzerVoice xəbər verir ki, ABŞ
prezidenti Donald Tramp Qətərin baş naziri və xarici işlər naziri
Şeyx Məhəmməd bin Əbdülrəhman Əl Tani ilə Ağ Evdə keçirdiyi
görüşdən əvvəl çıxış edərək “Qəzza ilə bağlı yaxşı xəbərlərimiz
var” deyib.
Tramp, Yaxın Şərq üzrə xüsusi nümayəndə Steve Witkoff-a təşəkkür
edərək, danışıqların yüksək səviyyədə davam etdiyini bildirib.
Tramp, imza mərasimindən sonra Əl Tani ilə qapalı görüş keçirib. Daha sonra o, İsrailin Qəzza zolağında 60 günlük atəşkəs şərtlərini qəbul etdiyini açıqlayıb. Atəşkəs təklifi HƏMAS-a Qətər və Misir vasitəsilə təqdim olunub. HƏMAS da öz növbəsində vasitəçilərə müsbət cavab verdiyini və danışıqlara hazır olduğunu bəyan edib.
Qeyd edək ki, İsrail tərəfi HƏMAS-ın razılaşma mətninə etdiyi bəzi düzəlişləri qəbul etməsə də, Təl-Əviv nümayəndə heyəti danışıqları davam etdirmək üçün Dohaya göndərilib. Əsas fikir ayrılıqlarından biri Rəfah və Xan Yunus arasında yerləşən Moraq dəhlizinin və Rəfah bölgəsinin nəzarəti məsələsidir.