BAKI, AzerVoice

İsrailin Qəzzaya son hücumları zamanı 21 nəfər həlak olub.

AzerVoice xəbər verir ki,İsrail ordusunun Qəzza zolağının cənubundakı ABŞ-İsrail yardım mərkəzinə yemək tapmaq ümidi ilə toplaşan fələstinlilərə qarşı gözyaşardıcı qazdan istifadə etməsindən sonra yaranan izdihamda 15nəfər boğulma, 6 nəfər dinc sakin isə izdihamda həlak olub.

Qəzzadakı humanitar yardım paylama mərkəzlərində "boğulma və şiddətli izdihamlar səbəbindən" ölümlərin ilk dəfə baş verdiyi vurğulanıb.

Qəzzaya Humanitar Yardım Vəqfinə istinad edilən bəyanatda, "İşğalçı İsrail və ABŞ-ın qurumları müxtəlif üsullarla aclıq çəkən əhaliyə qarşı sistemli şəkildə qəsdən qırğınlar həyata keçirirlər" ifadəsi işlədilib.

İsrailin yardıma girişini məhdudlaşdırdığı və humanitar fəlakətə səbəb olduğu Qəzzada 800-dən çox fələstinli qida tapmaq ümidi ilə humanitar yardım mərkəzlərində həyatını itirib.

Qeyd edək ki, mayın 27-dən İsrail Birləşmiş Millətlər Təşkilatının (BMT) və beynəlxalq yardım təşkilatlarının nəzarəti xaricində, ABŞ-İsrailin rəhbərlik etdiyi Qəzzaya Humanitar Yardım Fondu vasitəsilə qondarma yardım paylayır. Lakin bu sistem BMT tərəfindən tanınmır və Fələstin qrupları tərəfindən rədd edilir. HƏMAS bu sistemi “ölüm tələləri” kimi təsvir edir.