İraqda neft yatağında partlayış olub

BAKI, AzerVoice

İraq Kürdüstanının muxtar bölgəsində, Duhok vilayətinin şimalında yerləşən Atruş neft yatağında partlayış baş verib.

AzerVoice xəbər verir ki, bu barədə ölkənin yerli KİV-i məlumat yayıb.

Yerli təhlükəsizlik qüvvələrinin nümayəndəsinin sözlərinə görə, partlayış yatağın ərazisində baş verib. Hadisə yerində işləyən işçilər və mülki müdafiə qüvvələri yanğının söndürülməsi üçün çalışırlar.

Partlayışdan sonra neft istehsalı dayandırılıb. İlkin məlumatlara əsasən, hadisə nəticəsində həlak olan yoxdur.

“Baghdad News” portalı isə hadisəni “hücum” kimi qiymətləndirib. Portala görə, yataq ərazisində tüstü sütunları müşahidə olunur.

Hazırda hadisə ilə bağlı əlavə məlumat verilməyib.