BAKI,
AzerVoice
Tramp İlon Maskın yeni partiya ideyasını "qıcıqlandırıcı"
adlandırıb.
AzerVoice xəbər verir ki, ABŞ
prezidenti Donald Tramp milyarder iş adamı İlon Maskın üçüncü
siyasi partiya qurmaq ideyasına sərt reaksiya verib.
O, bu təşəbbüsün “absurd” və “zəhlətökən” olduğunu bildirib.
Jurnalistlərin suallarını cavablandıran Tramp, Respublikaçılar Partiyasının uğurundan danışaraq Maskın “Amerika Partiyası” adlı təşəbbüsünün seçicilərdə çaşqınlıq yaradacağını deyib.
“Məncə, üçüncü partiyanın yaradılması fikri bezdiricidir,” – deyə Tramp hava limanında jurnalistlərə açıqlamasında vurğulayıb.
Xatırladaq ki, Mask ABŞ-ın Müstəqillik Günü münasibətilə X sosial media platformasında “İki partiyalı sistemdən azad olmaq istəyirsiniz?” sualı ilə sorğu başladıb və “Amerika Partiyasını yaratmalıyıqmı?” sualı ilə 240 mindən çox insanın iştirak etdiyi anketin nəticələrinə görə, 62 faiz bəli cavabını verib.
Qeyd edək ki, Tramp cümə günü daşqın fəlakəti ilə üzləşən Texas ştatına səfər etməyi planlaşdırır. O, Milli Hava Xidmətini məlumat çatışmazlığına görə ittiham etməsə də, çay kənarında düşərgələrdə həyatını itirənlərlə bağlı məsuliyyəti rəsmilərə yönəltməyib.
Bundan əlavə, Tramp Qırmızı dənizdə hücuma məruz qalan Liberiya bayraqlı gəmi ilə bağlı brifinqin tezliklə təqdim ediləcəyini bildirib.
