BAKI,
AzerVoice
Tramp diqqəti yalnız özünə çəkməyə çalışan biridir.
AzerVoice xəbər verir ki, Almaniyanın
keçmiş kansleri Angela Merkel ABŞ prezidenti Donald Trampı tənqid
edərək onun siyasətə “sahibkar gözü ilə” yanaşdığını və daim diqqət
mərkəzində olmağa çalışdığını bildirib.
Merkel çıxışında 2017-ci ilin martında Tramp ilə Oval Ofisdə baş
tutan görüşü xatırladaraq, Trampın media qarşısında onunla əl
sıxmaqdan imtina etdiyini, lakin qapalı görüşdə bunu etdiklərini
qeyd edib. “Mən media qarşısında ‘əl sıxdıq’ dediyim üçün səhv
etdim. Tramp diqqəti üzərinə cəmləmək və hamının ona baxmasını
təmin etmək istəyirdi” - deyə o bildirib.
Keçmiş kansler həmçinin vurğulayıb ki, Trampın son vaxtlar beynəlxalq gündəmi zəbt edən əlavə gömrük rüsumları siyasəti də bu diqqət cəhdinin bir hissəsidir. Merkel Avropa ölkələrinin bu siyasət qarşısında geri addım atmadan birlikdə dayanmalı və öz vergiləri ilə cavab verməli olduğunu deyib.
Qeyd edək ki, Angela Merkel kansler vəzifəsindən ayrıldıqdan sonra beynəlxalq səviyyədə az-az çıxış etsə də, Tramp administrasiyası ilə bağlı keçmiş təcrübələrini müxtəlif platformalarda bölüşməyə davam edir.
