BAKI, AzerVoice
Ukrayna prezidenti Volodimir Zelenski, Ukrayna və Rusiya arasında sülhün təmin edilməsi üçün liderlər səviyyəsində görüşün vacib olduğunu bildirib.
AzerVoice xəbər verir ki, bu barədə o, Danimarkada keçirdiyi mətbuat konfransında Rusiya Prezidenti Vladimir Putin və ABŞ Prezidenti Donald Tramp arasında baş tutan telefon danışığını şərh edərkən deyib.
O, Vladimir Putinlə danışıqlar aparmağa hazır olduğunu ifadə edib.
"Mən əmin deyiləm ki, onların arasında bir çox ortaq fikirlər və müzakirə mövzuları var, çünki onlar fərqli insanlardır. Məncə, Rusiyada yalnız Putin real qərarlar verir. Buna görə də, əgər biz həqiqətən sülh istəyiriksə, liderlər səviyyəsində görüşə ehtiyacımız var" — deyə, Zelenski bildirib.
Eyni zamanda Zelenski, Ukraynanın ilkin olaraq Trampın qeyd-şərtsiz atəşkəs təklifini dəstəklədiyini vurğulayıb.