BAKI, AzerVoice
Ukrayna Rusiya şirkətlərinə qarşı sanksiyalar tətbiq edib.
AzerVoice xəbər verir ki, bununla bağlı Ukrayna Prezidenti Volodimir Zelenski fərman imzalayıb.
Yeni sanksiyalar ümumilikdə 87 subyekti əhatə edir: 52 fiziki şəxs (Rusiya vətəndaşı) və 35 hüquqi şəxs (34-ü Rusiya, biri isə Çin vergi rezidentidir).
Sanksiyaya məruz qalanlar arasında Rusiya müdafiə sənayesi kompleksi üçün dəzgah və avadanlıq təchizatçıları, nəqliyyat, rabitə və kimya sənayesi sahəsində fəaliyyət göstərən, ODK ilə əlaqəli olan müəssisələr də var. Xüsusilə, “Qonets” peyk sistemi və “Yeni Karbon Materialları və Texnologiyaları İnstitutu” ASC bu sanksiyalar siyahısına daxil edilib.
Zelenskinin 27 iyun tarixli fərmanı ilə Ukrayna Təhlükəsizlik və Müdafiə Şurasının (SNBO) “Fərdi xüsusi iqtisadi və digər məhdudlaşdırıcı tədbirlərin (sanksiyaların) tətbiqi” barədə qərarı qüvvəyə minib.