BAKI, AzerVoice
Kreml Trampın Putinə “dəli” deməsini emosional yüklənmə ilə əlaqələndirib.
AzerVoice xəbər verir ki, Kremlin
sözçüsü Dmitri Peskov ABÇ prezidenti Donald Trampın Rusiya lideri
Vladimir Putini “tamamilə dəli” adlandırmasını emosional vəziyyətlə
izah edib.
O, Trampın sülh danışıqlarının təşkili üçün səylərinə görə təşəkkür
də edib.
Peskov bildirib ki, prezident Putin Rusiyanın təhlükəsizliyini təmin etmək üçün lazım olan qərarları verir və Rusiyanın Ukraynaya qarşı hücumlarının bu ölkənin təxribatlarına cavab olduğunu qeyd edib. Tramp isə Truth Social platformasında Putinin Ukraynada son hücumlarını dəyərləndirərək, onun “tamamilə dəli” olduğunu yazıb və Ukraynanın bütün ərazisini istədiyini bildirib.
Qeyd edək ki, Tramp həmçinin Ukrayna prezidenti Vladimir Zelenskini də tənqid edərək, onun davranışlarının ölkəsinə fayda vermədiyini iddia edib.
