BAKI, AzerVoice
Tramp və Netanyahu İranla bağlı son durumu müzakirə edib.
AzerVoice xəbər verir ki, ABŞ
Prezidenti Donald Tramp və İsrailin Baş naziri Benyamin Netanyahu
arasında telefon danışığı baş tutub.
Bu barədə Ağ Evin sözçüsü Karolin Leavitt məlumat yayıb.
Danışıqlarda əsas diqqət İran və ABŞ arasında dolayı şəkildə aparılan nüvə müzakirələrinə yönəlib. Tramp, Netanyahuya danışıqların “düzgün istiqamətdə” irəlilədiyinə inandığını bildirib.
Karolin Leavittin sözlərinə görə, liderlər həmçinin İsrailin Vaşinqtondakı səfirliyinin iki əməkdaşının həyatını itirdiyi silahlı insidenti də müzakirə ediblər.
Qeyd edək ki, Tramp administrasiyası dövründə İranla münasibətlər ciddi şəkildə gərginləşmiş, Vaşinqton 2018-ci ildə nüvə sazişindən birtərəfli qaydada çıxmışdı. Hazırda bu istiqamətdə dolayı danışıqların aparıldığı bildirilir.
