BAKI, AzerVoice
Argentina sahilləri yaxınlığında 6,4 bal gücündə daha bir zəlzələ qeydə alınıb.
AzerVoice xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, zəlzələnin episentri, təxminən 58 min nəfərin yaşadığı Uşuaia şəhərindən 291 km cənub-şərqdə və 117 min nəfərlik əhalisi olan Çilinin Punta-Arenas şəhərindən 523 km cənub-şərqdə yerləşib. Yeraltı təkanların ocağı yerin 10 km dərinliyində yerləşib.
Hazırda zəlzələ nəticəsində xəsarət alanlar və dağıntılar barədə məlumat yoxdur, tsunami təhlükəsi elan edilməyib.
Qeyd edək ki, bundan əvvəl, Çili və Argentina hökümətləri 7,5 bal gücündəki zəlzələdən sonra tsunami təhlükəsinə görə sahil bölgələrində təxliyə elan etmişdi. Çilinin Seysmoloji Xidmətinə görə, həmin zəlzələnin episentri Puerto-Uilyams şəhərindən 218 km məsafədə, 10 km dərinlikdə yerləşirdi. Həmin hadisə zamanı da xəsarət və dağıntılar qeydə alınmamışdı.