BAKI, AzerVoice
ABŞ Prezidenti Donald Trampın administrasiyası, 2026-cı maliyyə ili üçün hazırlanan federal büdcə layihəsində BMT, UNESCO və ÜST-ə edilən maliyyə töhfələrinin dayandırılmasını təklif edir.
AzerVoice xəbər verir ki, bu barədə Ağ Evin təqdim etdiyi büdcə layihəsində məlumat verilib.
Sənəddə qeyd olunur ki, Tramp administrasiyası Birləşmiş Millətlər Təşkilatı (BMT) və digər beynəlxalq təşkilatlara edilən könüllü töhfələrin dayandırılması hesabına 1,7 milyard dollar qənaət etməyi planlaşdırır. Bu, konkret olaraq BMT-nin ümumi büdcəsinə, UNESCO və ÜST-ə edilən ödənişlərə aiddir.
Layihədə vurğulanıb ki, ABŞ prezidenti bu təşkilatlara ödənişlərin həyata keçirilməsi barədə qərarı öz mülahizəsinə əsasən verə bilər. Bu məqsədlə strateji investisiyalar üçün 2,9 milyard dollar həcmində xüsusi fondun yaradılması təklif olunur.
Bundan əlavə, sənəddə, BMT də daxil olmaqla, sülhməramlı missiyaların maliyyələşdirilməsindən imtina etməklə əlavə 1,6 milyard dollar qənaət edilməsi təklif edilir.
