BAKI, AzerVoice
Vatikan, Katolik Kilsəsinin yeni liderinin seçilməsi üçün 2025-ci il mayın 7-də konklav iclasının başlayacağını açıqlayıb.
AzerVoice xəbər verir ki, Vatikan
rəsmiləri, yeni papanın seçilməsi üçün hazırlıq məqsədilə Sikstin
kapellasının 28 aprel 2025-ci il bazar ertəsi günü ictimaiyyətə
bağlanacağını bildirib.
Kapellanın bağlanması tədbiri, konklavın təhlükəsiz və gizli
şəkildə keçirilməsini təmin etmək üçün həyata keçirilib.
İtaliyanın ANSA xəbər agentliyi, 135 kardinalın konklav iclasına
qatılacağı və bunun ənənəvi papa seçkisi prosesinin bir hissəsi
olduğunu qeyd edib. Sikstin kapellası, Mikelancelonun freskaları
ilə məşhur olan və əsrlər boyu papa seçkilərinə ev sahibliyi edən
tarixi məkan olaraq tanınır.
Qeyd edək ki, digər Vatikan Muzeyləri ziyarətçilər üçün açıq qalacaq.
